दिल्ली सहल

                                 दिल्ली सहल

 पुणे विद्यापीठाच्या संज्ञापन व वृत्तपत्रविद्या विभागाची बहुप्रतिक्षित दिल्ली अभ्यास सहल उद्या पहाटे  रवाना होईल. आम्हां सर्व विभागाच्या विद्यार्थ्यांना ही एक पर्वणीत असते. दिल्ली भारताची राजधानी, देशातील प्रत्येक राजकीय घटनेचे केंद्र, पत्रकारांसाठी माहिती बातम्यांचे माहेरघर. नुकतीच निवडणुकीची झालेली घोषणा यामुळे दिल्लीचे राजकीय वातावरण तापत असणार तर नैसर्गिक वातावरणात थोडा गारवा. निवडणुकीच्या कालावधीत आम्ही जाणार आहोत, दिल्लीतील राजकीय परिस्थिती चांगल्याप्रकारे समजण्यास मदत होईल. पुढील दहा दिवसांच्या कालावधीत आम्ही उपराष्ट्रपती, विविध पक्षांचे नेते व पक्षांची कार्यालये, सरकारी संस्था व कार्यालये, न्युज चॅनल्सना  भेटी देणार आहोत. या भेटींमधून व चर्चेतून आमच्या प्रश्नांची उकल होईल अशी अपेक्षा. आणि शेवटी थोडं पर्यटन..

                                   पत्रकारितेमध्ये प्रवेश करणाऱ्या आम्हां सर्वांना ही सहल भविष्यात नक्कीच दिशादर्शक ठरेल. दिल्लीतील पुढील दहा दिवसांच्या घडामोडींचे साक्षीदार होण्यास आम्ही उत्सुक आहोत.